BAKI,VOA, Fərid Mikayılov
Qətər, İranın Küveyt və Bəhreynə yönəltdiyi hücumları qəti şəkildə pisləyib. Hücumlar nəticəsində Küveyt Beynəlxalq Hava Limanına ziyan dəyib və xəsarət alanlar olub.
VOA xəbər verir ki, Qətər XİN X sosial platformasında yaydığı bəyanatda bildirib ki, hücumlar 1949-cu il Cenevrə Konvensiyalarını və beynəlxalq humanitar hüququn, o cümlədən mülki şəxslərə və mülki obyektlərə hücum qadağalarını pozur.
Nazirlik mülki infrastrukturun hədəfə alınmasını rədd edərək, gərginliyin azaldılmasını tələb edib.
Bəyanatda həmçinin Küveyt və Bəhreyndəki tərəflərə həmrəylik ifadə olunub, onların suverenlik və təhlükəsizliklərinin qorunması üçün atdıqları addımlar dəstəklənib və xəsarət alanlara tezliklə sağalma arzulandığı bildirilib.
