BAKI,VOA,Yusif Şərifzadə
Livan baş naziri Nəvaf Salam beynəlxalq ictimaiyyəti İsrailə qarşı təzyiq göstərməyə çağırıb. O, İsraili mülki şəxslərə hücumları dayandırmağa və cənubi Livanı dağıtmaqdan çəkinməyə səsləyib. Eyni zamanda, Salam İrana xəbərdarlıq edib ki, Livanı danışıqlar masasında əl dəyişdirmə vasitəsi kimi istifadə etməsin.
VOA xəbər verir ki, Salam fövqəladə humanitar yardım təşəbbüsünün təqdimatında bildirib ki, hökumətin yardım planına 1 milyon məcburi köçkün və cənubda qalan 50 min sakin üçün pul yardımı daxildir.
Baş nazir köçkünlərə müraciət edərək deyib: “Sizin ləyaqətli və təhlükəsiz şəkildə öz torpağınıza qayıtmağınız bizim əsas məsuliyyətimiz və prioritetimizdir.”
Salam həmçinin qeyd edib ki, Livan İsrailin geri çəkilməsini təmin etmək və insanları evlərinə qaytarmaq üçün danışıqları ən az xərcli yol kimi seçib. İranla bağlı isə o bildirib: “Cənubumuza rəhm edin. Biz bu torpağın insanlarıyıq, Livan heç kimin danışıqlar masasında əl dəyişdirmə vasitəsi deyil və Cənub heç kimin ehtiyat cəbhəsi deyil.”
