BAKI,VOA, Fərid Mikayılov

Küveyt İranın ölkəyə qarşı həyata keçirdiyi hücumu qətiyyətlə pisləyib.

VOA xəbər verir ki, bu barədə Küveyt Xarici İşlər Nazirliyinin yaydığı bəyanatda bildirilib.

Qeyd olunub ki, İranın hücumu beynəlxalq norma və prinsiplərə məhəl qoyulmadan həyata keçirilmiş “kobud hücum” xarakteri daşıyır.

Bəyanatda vurğulanıb ki, bu addım vətəndaşların və ölkədə yaşayan insanların həyatına, eləcə də regionun təhlükəsizliyi və sabitliyinə yönəlmiş birbaşa təhdidlərə tam laqeyd münasibəti nümayiş etdirir.

Küveyt XİN-in açıqlamasında həmçinin bildirilib ki, hücum regionda gərginliyin daha da artmasına səbəb olan təhlükəli eskalasiya olmaqla, Yaxın Şərqi yeni qarşıdurma və qeyri-sabitlik mərhələsinə sürükləyir.