BAKI,VOA,Yusif Şərifzadə

BMT-nin Qaçqınlar üzrə Agentliyinin (UNRWA) icraçı komissarı Kristian Saunders Qəzzada 70 əməkdaşın dərhal işdən çıxarıldığını açıqlayıb. Bu addım agentliyin fəaliyyətinə təhlükəsizlik və əmniyyətlə bağlı narahatlıqları əsas götürərək atılıb.

VOA xəbər verir ki, bu qərar UNRWA-nın Qəzzadakı fəaliyyətinə dair davamlı təzyiqlər fonunda verilib. Daha əvvəl İsrail bəyan etmişdi ki, bəzi əməkdaşlar 7 oktyabr 2023-cü il hücumlarında iştirak edib.

Qərar, işdən çıxarılan əməkdaşlarla bağlı iddiaları təsdiqləmək üçün İsrail hakimiyyətinə verilmiş təkrar sorğulara cavab alınmadıqdan sonra verilib. UNRWA vurğulayıb ki, bu işdən çıxarmalar intizam prosesi sayılmır və əməkdaşlara qarşı irəli sürülmüş ittihamları təsdiqləmir.

Agentlik qeyd edib ki, bu addım həm Fələstin qaçqınlarının, həm də öz əməkdaşlarının və inzibati binalarının təhlükəsizliyini təmin etmək məqsədi daşıyır.

Bəyanatda bütün tərəflərdən “beynəlxalq hüququn pozuntularına görə məsuliyyətin təmin edilməsini” və humanitar işçilər ilə mülki şəxslərin qorunmasını tələb etmək çağırışı edilib.