BAKI,VOA,Yusif Şərifzadə
Qətər İnkişaf Araşdırmaları İnstitutunun beynəlxalq siyasət və təhlükəsizlik üzrə dosenti Muhanad Səlum bildirib ki, ABŞ Livanı İran–ABŞ anlaşma memorandumundan ayırmağa çalışır, lakin Tehran bu məsələdə mövqeyini açıq şəkildə ortaya qoyub.
VOA xəbər verir ki, ekspertin sözlərinə görə, İran son dövrlərdə İsrailə qarşı həyata keçirdiyi cavab hücumları ilə həm Tel-Əvivə, həm də Vaşinqtona mesaj göndərib və Livanın da istənilən razılaşmanın tərkib hissəsi olduğunu göstərib.
O qeyd edib ki, İsrail Livana qarşı hücumlarını dayandırmaq üçün ABŞ-dən təzyiq görsə belə, buna tam şəkildə əməl etməyə bilər və əməliyyatlar müəyyən fasilədən sonra yenidən davam edə bilər.
Səlum əlavə edib ki, hazırkı vəziyyətdə İsrail müxtəlif bölgələrdə “təhlükəsizlik xətləri” yaradır və bu yanaşma Qəzza, Suriya və Livan daxil olmaqla bir neçə istiqamətdə müşahidə olunur.
Ekspertin fikrincə, regionda davam edən gərginlik uzunmüddətli sabitlik ehtimalını zəiflədir və vəziyyətin nəzarətdə saxlanılması getdikcə çətinləşir.
