BAKI,VOA,Yusif Şərifzadə
İsrail Xarici İşlər Nazirliyi Hizbullahı ABŞ tərəfindən elan olunan atəşkəsi davamlı şəkildə pozmaqda ittiham edib.
VOA xəbər verir ki, nazirliyin sözçüsü Oren Marmorşteyn bununla bağlı açıqlama yayıb.
O bildirib ki, Hizbullah atəşkəs rejimini mütəmadi olaraq pozmağa davam edir.
Açıqlama Livanın cənubunda İsrail qüvvələri ilə Hizbullah döyüşçüləri arasında qarşıdurmaların davam etdiyi bir vaxtda səsləndirilib.
Eyni zamanda İsrail hərbi təyyarələrinin Livanın cənub bölgələrinə zərbələr endirdiyi bildirilir.
Son günlər tərəflər bir-birini atəşkəsi pozmaqda ittiham edir və qarşılıqlı bəyanatlar gərginliyi daha da artırır.
Bölgədə əldə olunmuş atəşkəsin gələcəyi ilə bağlı qeyri-müəyyənlik davam edir.
