Danışıqlar yalnız Livan dövlətinin qərarı ilə aparılmalıdır - Livan XİN

Livanın xarici işlər naziri Yusif Racci İsrail ilə əldə olunan çərçivə razılaşmasının danışıqlar məsələsində yalnız Livan dövlətinin səlahiyyətli olduğunu göstərdiyini bildirib. O, bu açıqlamanı Kiprə səfəri zamanı verib. Nazir qeyd edib ki, Livanın gələcəyi ilə bağlı qərarlar yalnız dövlət institutları tərəfindən qəbul edilməlidir. ABŞ ilə İran arasında əldə olunan müvəqqəti anlaşma çərçivəsində İsrailin Livanın cənubundan çıxması məsələsi də gündəmə gətirilib. Livan hökuməti ilə Hizbullah arasında münasibətlər son dövrdə gərginləşib. Hökumətin Hizbullahın tərksilah edilməsi ilə bağlı mümkün addımları ölkə daxilində ciddi müzakirələrə səbəb olub. Tərəflər arasında fikir ayrılıqları Livanın daxili siyasi vəziyyətinə təsir göstərir.

9 İyul 2026 18:11

BAKI,VOA,Yusif Şərifzadə

Livanın xarici işlər naziri Yusif Racci İsrail ilə ABŞ-nin vasitəçiliyi ilə imzalanan çərçivə razılaşmasının bütün danışıqların yalnız Livan dövlətinin səlahiyyətində olduğunu göstərdiyini bildirib.

VOA xəbər verir ki, Yusif Racci bu açıqlamanı Kiprə səfəri zamanı verib.

Nazirin sözlərinə görə, İsraillə əldə olunan razılaşma ilk növbədə İran da daxil olmaqla bütün tərəflərə göstərib ki, danışıqlar yalnız Livan dövlətinin məsuliyyətidir və bu məsələdə qərarvermə hüququ başqa heç kimə aid deyil.

Qeyd edək ki, ABŞ ilə İran arasında əldə olunan müvəqqəti anlaşma çərçivəsində Tehran İsrail qoşunlarının Livanın cənubundan çıxmasını və aylardır davam edən hücumların dayandırılmasını tələb edib.

Livan hökuməti ilə Hizbullah arasında son dövrlərdə qarşılıqlı sərt bəyanatlar səslənib. Hizbullah tərəfdarları hökumətin bəzi addımlarına etiraz olaraq əsas yolları bağlayıblar.

Hizbullah deputatlarından biri bildirib ki, hökumətin qrupun tərksilah edilməsi istiqamətində addım atması ölkəni vətəndaş müharibəsinə sürükləyə bilər.