BAKI,VOA,Yusif Şərifzadə
Livan hökuməti ABŞ-yə İsraillə keçiriləcək növbəti danışıqlarda iştirak edəcəyini bildirib. Məlumata görə, görüşün İtaliyanın paytaxtı Romada keçirilməsi planlaşdırılır.
VOA xəbər verir ki, livanlı mənbənin sözlərinə görə, Romanın ev sahibliyi edəcəyi danışıqlarda Livan nümayəndə heyətinin tərkibində hərbçilər yer almayacaq. Görüşün əsas məqsədinin iki tərəf arasında təhlükəsizlik və sabitliklə bağlı məsələlərin müzakirəsi olduğu bildirilir.
Bundan əvvəl ABŞ hərbi nümayəndə heyəti ilə keçirilən görüşdə Livan Ordusu İsrail qüvvələrinin geri çəkiləcəyi istənilən əraziyə yerləşməyə hazır olduğunu bəyan edib. Bildirilir ki, bu addım ölkənin cənubunda təhlükəsizliyin təmin olunmasına yönəlib.
Tərəflərin qarşıdakı danışıqlarda sərhəd bölgəsində vəziyyətin sabitləşdirilməsi və əvvəlki razılaşmaların icrası ilə bağlı məsələləri müzakirə edəcəyi gözlənilir.
