BAKI,VOA, Fərid Mikayılov
Şərqi Qüdsdə yerləşən Əl-Əqsa məscidinə İsraillilər tərəfindən kütləvi basqın təşkil edilib.
VOA xəbər verir ki, Qüds Valiliyindən verilən açıqlamaya görə, İsrail polisinin mühafizəsi altında 1300-dən çox fanatik Əl-Əqsa kompleksinin həyətinə daxil olub.
Basqında iştirak edənlərin sayı İsrail polisinin 150 nəfərlik qruplara göz yumması ilə kəskin artıb. Eyni zamanda, İsrail təhlükəsizlik qüvvələri Əski Şəhər ərazisində və məscidin giriş qapılarında tədbirləri artıraraq fələstinli müsəlmanların ibadət üçün məscidə daxil olmasını əngəlləyib. Səhər namazı zamanı yalnız az sayda müsəlman məscidə daxil ola bilib və polis tərəfindən fiziki zorakılıq tətbiq olunub.
Fanatik qruplar Məscidül-Əqsanın həyətində dini ritualları intensiv şəkildə yerinə yetiriblər. Radikal təşkilatlar basqına kütləvi çağırışlar yayımlayaraq iştirakçı sayını 5 min nəfərə çatdırmaq niyyətindədirlər. Məscidə təşkil olunan basqında İsrail Baş naziri Benyamin Netanyahunun mənsub olduğu “Likud” partiyasının deputatı Amit Halevi də iştirak edib.
