HƏMAS Cenin yaxınlığında qanunsuz məskunlaşmaların bərpasını pisləyib

HƏMAS İsrailin Cenin yaxınlığında əvvəllər boşaldılmış qanunsuz məskunlaşmaları yenidən bərpa etmək qərarını pisləyib. Hərəkat fələstinliləri öz torpaqlarına bağlılıqlarını gücləndirməyə çağırıb. İsrailin maliyyə naziri Betsalel Smotrix Cenin bölgəsində 26 fələstinliyə məxsus binanın söküldüyünü açıqlayıb. Onun sözlərinə görə, məqsəd Qanım və Kadim məskunlaşmalarını yenidən qurmaqdır. Həmin məskunlaşmalar 2005-ci ildə boşaldılmışdı. Hadisələr Qərb sahilində məskunların zorakılığı və məskunlaşmaların genişləndirilməsi fonunda baş verir.

13 Avqust 2026 18:22

BAKI,VOA,Yusif Şərifzadə

Fələstinin HƏMAS hərəkatı İsrailin Cenin yaxınlığında daha əvvəl boşaldılmış qanunsuz məskunlaşmaların bərpası qərarını pisləyib.

VOA xəbər verir ki, HƏMAS-ın açıqlaması işğal altındakı İordan çayının qərb sahilində İsrail məskunlarının zorakılığının və məskunlaşmaların genişləndirilməsinin artdığı bir vaxta təsadüf edib.

Hərəkat İsrailin əvvəllər boşaldılmış Qanım məskunlaşmasını yenidən bərpa etmək qərarına münasibət bildirərək, işğalın Fələstin xalqını öz torpaqlarından çıxara bilməyəcəyini vurğulayıb.

HƏMAS fələstinliləri öz torpaqlarına bağlılıqlarını və müqavimətini gücləndirməyə, İsrail hərbçiləri və məskunlarına qarşı müqavimət göstərməyə çağırıb.

İsrailin ifrat sağçı maliyyə naziri Betsalel Smotrix çərşənbə günü Cenin ərazisində fələstinlilərə məxsus 26 binanın söküldüyünü açıqlayıb.

Smotrix bildirib ki, söküntülər 2005-ci ildə boşaldılmış Qanım və Kadim məskunlaşmalarının yenidən qurulması məqsədilə həyata keçirilir.

Qanım və Kadim məskunlaşmaları 2005-ci ildə İsrail tərəfindən boşaldılıb.

HƏMAS-ın açıqlaması Nablus yaxınlığında fələstinlilərə məxsus bir neçə evin məskunlar tərəfindən mühasirəyə alınması da daxil olmaqla, İordan çayının qərb sahilində gərginliyin artdığı bir vaxtda verilib.