BAKI,VOA, Fərid Mikayılov
Pakistanın Baş nazirinin müavini və xarici işlər naziri İshaq Dar ABŞ-nin İslamabaddakı müvəqqəti işlər vəkilinə İslamabad Anlaşmasının tam şəkildə icra edilməsinin yeganə çıxış yolu olduğunu bildirib.
VOA xəbər verir ki, Dar ABŞ-nin müvəqqəti işlər vəkili Natali Beykerlə görüşdə Pakistan-ABŞ ikitərəfli əməkdaşlığını və regionda baş verən son hadisələri müzakirə edib.
Pakistan Xarici İşlər Nazirliyinin məlumatına görə, Dar ölkələr arasında münasibətlərin müsbət istiqamətdə inkişaf etdiyini vurğulayıb və davamlı sülhün təmin olunmasında dialoq və diplomatiyanın əhəmiyyətini qeyd edib.
Pakistanın baş nazirinin müavini iyun ayında imzalanan İslamabad Anlaşmasının “mətninə və ruhuna uyğun şəkildə” həyata keçirilməsinin hazırkı vəziyyətdən çıxış üçün yeganə yol olduğunu bildirib.
Sənədin qüvvədə olma müddətinin avqustun 16-da başa çatacağı qeyd olunur.
Natali Beyker isə Pakistanın regional sülh və sabitliyin təşviqində konstruktiv rolunu yüksək qiymətləndirib.
