Bakı, AzerVoice:
Qəzzaya göndərilən yardımlar məhduddur və mülki əhaliyə çatmır.
AzerVoice xəbər verir ki, bu barədə BMT-nin Humanitar Məsələlərin Əlaqələndirilməsi Ofisinin (OCHA) sözçüsü Jens Laerke bildirib.
O, İsrailin əsas Karem Abu Salem (Kerem Şalom) keçidinə nəzarət etdiyinə işarə edərək bildirib ki, İsrail səlahiyyətlilərinin yardımın çatdırılmasını asanlaşdırmaq üçün qanun çərçivəsində öhdəliyi sərhəddə dayanmamalıdır.
Qeyd edək ki, Qəzzanın Səhiyyə Nazirliyi bildirir ki, Qəzzada 36 mindən çox fələstinli öldürülüb və 2,3 milyon əhalisinin əksəriyyəti evlərini tərk etmək məcburiyyətində qalıb.
Nazirlik öz sayında mülki şəxslər və döyüşçülər arasında fərq qoymur, lakin qadınların və uşaqların ölənlərin üçdə ikisini təşkil etdiyini bildirir.
İsrail dinc sakinlərin ölməsində HƏMAS-ı günahlandırır, çünki yaraqlılar sıx yaşayış məntəqələrində döyüşürlər.
İsrail heç bir sübüt təqdim etmədən 13 min HƏMAS döyüşçüsü öldürdüyünü bildirib.
