Bakı. AzerVoice:
Misir, İsrail və ABŞ kəşfiyyat rəsmiləri Qəzzada atəşkəs üçün çalışır.
AzerVoice xəbər verir ki, bu barədə Qətərin Baş naziri Məhəmməd bin Əbdülrəhman Al-Tani bildirib.
Qətərin baş naziri həmçinin bildirib ki, Həmas danışıqlar üçün ilkin şərt olaraq daimi atəşkəs tələb edib.
"Danışıqların təmin edilməsi üçün indiki vəziyyət bir neçə həftə əvvəlkindən daha əlverişlidir", - deyə o vurğulayıb.
Qeyd edək ki, 28 yanvar tarixində Parisdə ABŞ Mərkəzi Kəşfiyyat İdarəsinin direktoru Uilyam Berns İsrail, Misir və Qətər rəsmiləri ilə girovların sərbəst buraxılmasını müzakirə edib.
Xatırladaq ki, oktyabrın 7-də İsrailə hücumlar olunub. Əvvəlcə Qəzza bölgəsindən reaktiv mərmilərlə kütləvi atəş açılıb, daha sonra döyüşçülər əraziyə qurudan, havadan və sudan daxil olublar.
İsrail müharibə vəziyyəti elan edib. Bundan başqa, İsrailin müdafiə naziri Yoav Qallant ehtiyatda olan hərbçilərin kütləvi çağırışını elan edib.
Ötən ilin oktyabrın 7-də Fələstin-İsrail münaqişəsinin yeni mərhələsi başlayandan bəri Qəzza zolağında ölənlərin sayı 26 637 nəfərə çatıb.
