Bakı,AzerVoice
Aşqabadda Səudiyyə İnkişaf Fondunun baş icraçı direktoru Sultan Əbdülrəhman Əl-Məşradın rəhbərlik etdiyi nümayəndə heyəti ilə Türkmənistan Xarici İqtisadi Əlaqələr üzrə Dövlət Bankının İdarə Heyətinin sədri Rəhimberdi Cepbarovun rəhbərlik etdiyi nümayəndə heyəti arasında mühüm görüş baş tutub.
AzerVoice xəbər verir ki, danışıqlar zamanı tərəflər iqtisadiyyatın müxtəlif sahələrində, o cümlədən enerji, infrastruktur və investisiya sahələrində ikitərəfli əməkdaşlığın genişləndirilməsi sahələrini müzakirə ediblər.
Görüşün yekunu olaraq iki ölkə arasında iqtisadi əlaqələrin gücləndirilməsi üçün saziş imzalanıb.
İmzalanan sazişlər irimiqyaslı infrastruktur layihələrinin həyata keçirilməsi üçün Türkmənistana yeni kredit limitlərinin verilməsini və maliyyə dəstəyini nəzərdə tutur.
Səudiyyə İnkişaf Fondunun nümayəndə heyətinin Türkmənistana səfəri ikitərəfli münasibətlərin yüksək səviyyəsinin və iki ölkənin əməkdaşlığı daha da dərinləşdirmək istəyinin növbəti təsdiqi olub.
