Bakı, AzerVoice
ABŞ-da Fələstinə dəstək nümayişlərinin keçirildiyi 5 universitetdə "antisemitizm" iddiası ilə araşdırma aparılır.
AzerVoice xəbər verir ki, Trampın Fələstinə dəstək nümayişlərində iştirak edən tələbələrin deportasiyasına yol açan “antisemitizmlə mübarizə” mövzusunda sərəncam imzaladıqdan sonra hökumət məsələ ilə bağlı mübahisəli addımlar atır.
ABŞ Təhsil Nazirliyindən verilən açıqlamada Trampın fərmanı çərçivəsində 5 universitet haqqında "anti-semit rəftar müşahidə edildiyi" əsası ilə istintaq başladıldığı bildirilib.
ABŞ Vətəndaş Hüquqları Ofisinin rəsmisi Craig Trainor-un "anti-semit davranışları və qeyri-qanuni düşərgələrin 2024-cü ildə kampus həyatını iflic etdiyini" ifadə etdiyi şərhdə, Qəzza ilə həmrəylik məqsədilə kampuslarda universitetlərə qurulan düşərgələrə "imtiyaz verdiyi" iddia edildi.
Qeyd edək ki, 2024-cü ilin aprelində başlayan və bütün dünyaya yayılan Fələstinə dəstək nümayişləri keçirən məktəblər arasında Kolumbiya Universiteti, Şimal-Qərb Universiteti, Portlend Dövlət Universiteti, Kaliforniya Universitetinin Berkli Kampusu və Minnesota Qardaş Şəhərlər Universiteti var idi.
Eyni zamanda, yanvarın 30-da Tramp Fələstinə dəstək nümayişlərində iştirak edən tələbələrin deportasiyasına qapı açan “antisemitizmlə mübarizə” mövzusunda sərəncam imzalayıb.
