Bakı, AzerVoice

İsraildə yüzlərlə insan HƏMAS ilə məhbus mübadiləsi sazişinin tamamlanmasını və Qəzzada saxlanılan israilli məhbusların azad edilməsini tələb edərək nümayiş keçirib.

AzerVoice xəbər verir ki, Təl-Əvivin mərkəzində Qəzza məhbuslarının ailələri Qəzzada saxlanılan israilli İlon Ohelin doğum gününü qeyd etmək üçün toplaşıb.

Lakin HƏMAS-ın İsrailin razılaşma şərtlərinə əməl etməməsi səbəbindən məhbus mübadiləsini dayandırması elan edildikdən sonra aksiya genişlənib.

Etirazçılar İsrail Müdafiə Nazirliyinin qarşısındakı yolu bağlayıb, atəş və məşəl yandıraraq nəqliyyatın hərəkətində aksamalara səbəb olub. Onlar "Əsirlərin hamısını geri qaytarın", "İsrail hökuməti razılaşmanı pozdu" və "Netanyahu müqaviləni pozdu" kimi şüarlar səsləndiriblər.

HƏMAS-ın hərbi qanadı İzzəddin əl-Qəssam Briqadalarının sözçüsü Əbu Ubeydə fevralın 15-də keçirilməsi planlaşdırılan məhbus mübadiləsinin İsrailin atəşkəs razılaşmasındakı öhdəliklərini yerinə yetirmədiyi üçün dayandırıldığını açıqlayıb.

Qeyd edək , Yanvarın 19-da qüvvəyə minən atəşkəs razılaşması çərçivəsində yanvarın 27-də Netzarim dəhlizi açılıb və Rəfah sərhəd keçid məntəqəsi fevralın 1-də təxliyələr üçün istifadəyə verilib. Əsir mübadiləsinin ilk 5 turunda 766 fələstinli, 16 israilli və 5 tailandlı məhbus azad edilib. Üç mərhələdən ibarət razılaşmanın ilk 42 günündə 1900-dən çox fələstinlinin və 33 israillinin azad edilməsi nəzərdə tutulur.