BAKI, AzerVoice

Münhen Hava Limanında Verdi ictimai sektoru həmkarlar ittifaqının təşkil etdiyi iki günlük tətil səbəbindən uçuşların 80%-nin ləğv edildiyi bildirilib.

AzerVoice xəbər verir ki , hava limanının səlahiyyətli şəxsləri aviaşirkətlərin tətillə əlaqədar olaraq böyük miqdarda reysləri dayandırdığını və bu vəziyyətin daha da pisləşə biləcəyini açıqlayıblar.

Almaniyanın ikinci ən böyük hava limanı olan Münhenin rəsmi internet saytında sərnişinlərə xəbərdarlıq edilib ki, mümkün dəyişikliklər və reyslərin statusu ilə bağlı öz aviaşirkətləri ilə əlaqə saxlasınlar.

Tətilin davam etdiyi müddətdə əlavə ləğvlərin baş verə biləcəyi və Münhen üzərindən səyahət edən sərnişinlərin planlarını buna uyğun tənzimləmələri tövsiyə olunur.