BAKI, AzerVoice
İngiltərənin Şərqi Yorkşir sahillərində neft tankeri ilə yük
gəmisi toqquşub, nəticədə yanğın baş verib.
AzerVoice xəbər verir ki, Kral Milli Xilasetmə
Qayıqları İnstitutu (RLNI) hadisə yerinə dörd xilasedici qayığın
göndərildiyini açıqlayıb.
Sahil Mühafizəsinin məlumatına görə, qəza ilə bağlı ilk həyəcan siqnalı yerli vaxtla 09:48-də verilib. Bundan dərhal sonra xilasedicilər, yanğınsöndürmə qrupları və bir xilasetmə helikopteri hadisə yerinə cəlb edilib.
Gəmidə olan bir neçə nəfərin artıq təxliyə edildiyi bildirilir. Qəzanın səbəbləri və itkilər barədə hələlik rəsmi açıqlama verilməyib. Axtarış-xilasetmə əməliyyatları davam edir.
