BAKI, AzerVoice
Ukrayna və ABŞ rəsmiləri Ər-Riyadda atəşkəs məsələsini müzakirə ediblər.
AzerVoice xəbər verir ki, Ukraynanın müdafiə naziri
Rustem Umerov Səudiyyə Ərəbistanının paytaxtı Ər-Riyadda ABŞ və
Ukrayna nümayəndə heyətləri arasında keçirilən görüşün məhsuldar
keçdiyini bildirib.
Görüşdə energetika və təhlükəsizlik məsələləri müzakirə olunub.
Umerov sosial media paylaşımında Ukrayna Prezidenti Vladimir Zelenskinin məqsədinin ədalətli və davamlı sülhə nail olmaq olduğunu vurğulayıb. Görüşdə Ukraynanın Xarici İşlər Nazirliyinin dövlət katibi Aleksandr Karaseviç, Prezident Aparatı rəhbərlərinin müavinləri Pavlo Palisa və İqor Jovkva, eləcə də energetika nazirinin müavini Nikolay Kolisnık iştirak edib.
Palisa Ər-Riyadda Rusiya nümayəndə heyəti ilə hər hansı bir görüşün planlaşdırılmadığını təsdiqləyib.
Qeyd edək ki, bu danışıqlar Səudiyyə Ərəbistanında keçirilən əvvəlki görüşdən iki həftə sonraya təsadüf edir. O zaman Kiyev, ABŞ-ın Ukraynaya hərbi yardımı dayandırması müqabilində 30 günlük atəşkəsi qəbul etmişdi. Eyni zamanda, ABŞ və Rusiya nümayəndə heyətləri arasında görüşün yaxın günlərdə baş tutacağı gözlənilir.
