BAKI,AzerVoice
Ukraynanın xarici işlər naziri Andrey Sibiqa, Ukrayna-NATO Şurasının iclasında iştirak etmək üçün NATO-nun mənzil-qərargahına gəlib.
AzerVoice xəbər verir ki, bu barədə o, X sosial şəbəkəsində məlumat verib.
"NATO mənzil-qərargahına səfərimə başladım. Burada NATO müttəfiqləri ilə bir sıra mühüm ikitərəfli görüşlərim olacaq. Həmçinin, Baş katib Mark Rutte ilə danışıqlar və Ukrayna-NATO Şurasının iclası keçiriləcək" – deyə o bildirib.
Nazirin sözlərinə görə, toplantının iştirakçıları Ukraynanın gücləndirilməsi və Moskvaya təzyiqlərin artırılması məsələlərini müzakirə edəcəklər.
Bundan əvvəl Sibiqa, gözlənilən şura iclasının əsas mövzularını açıqlamışdı.
Onun sözlərinə görə, Kiyevin tərəfdaşları Ukraynanın prioritet hərbi ehtiyaclarını və gələcək təhlükəsizlik zəmanətlərini müzakirə edəcəklər.
