Bakı,VOA

İsrailin baş naziri Benyamin Netanyahunun həyat yoldaşı Sara Netanyahu İsrail ordusuna güvənmədiyini və ərinə qarşı çevriliş edəcəklərini bildirib.

VOA xəbər verir ki, Sara əsirlərin qohumları ilə görüşü zamanı bir neçə dəfə İsrail ordusunun komandanlığına inanmadığını və ərinə qarşı çevriliş edəcəyini qeyd edib.

Bildirilib ki, ordunun komandanlığına qarşı ittihamlarında israrlı olan Sara Netanyahunun sözünü kəsərək cavab verən əsirlərin bəzi qohumları Qəzzada əsir olan övladlarının taleyinin ordudan asılı olduğunu bildiriblər.

Bunun qarşılığında isə Sara etimadsızlığının bütün orduya yox, sadəcə ordunun yuxarı komandanlığına aid olduğunu deyib. Qeyd edək ki, o görüş zamanı bu iddianı dəfələrlə təkrarlayıb.

İclasda müzakirələrlə bağlı mediada yayılan xəbərlərə cavab olaraq Netanyahunun adından sözçüsü, “Xanım Netanyahunu haqqında yalan, qərəzli və daimi sızıntılar hamısı iyrənc ədalətsizlikdir” - deyib.