Bakı,AzerVoice

İsrail Fələstinin qalan hissələrinə sahib çıxmaq üçün danışıqlardan istifadə edir.

AzerVoice xəbər verir ki, Birləşmiş Millətlər Təşkilatının (BMT) Fələstin üzrə xüsusi məruzəçisi Françeska Albanese X sosial media platformasında İsrail və HƏMAS arasında davam edən atəşkəs danışıqları ilə bağlı paylaşım edib.

Müzakirələrdə tarixin təkrarlandığını ifadə edən Albanese, “İsrail danışıqlardan Fələstinin qalan hissələrinə sahib çıxmaq üçün istifadə edir.İsrail atəşkəs danışıqları adı altında daimi işğal və daha çox ərazinin ələ keçirilməsi üçün şərait yaratmağa çalışır",- deyə qeyd edib.

Albanese, Fələstin tarixinə bələd olanların İsrailin qeyri-qanuni işğalı altında olan fələstinlilərin başına gələnləri və miqrant müstəmləkəçilik nümunəsini başa düşəcəklər.

Qeyd edək ki, İsrail və HƏMAS arasında Qəzzada əsir mübadiləsi və atəşkəs üçün 15-16 avqust tarixlərində Qətərin paytaxtı Dohada danışıqlar aparılmışdı.

HƏMAS bəyan edib ki, İsrailin baş naziri Binyamin Netanyahu ABŞ, Misir və Qətərin vasitəçiliyi ilə aparılan danışıqlarda yeni şərtlər irəli sürərək razılığa gəlməyə mane olub.