Bakı, AzerVoice
Əfqanıstan Daxili İşlər Nazirliyinin sözçüsü Əbdulmətin Kani ölkədəki polis qüvvələrinin sayının 250 minə çatdığını bildirib.
AzerVoice xəbər verir ki, o bu haqda yerli televiziya kanalına açıqlama verib. Kani bildirib ki, Daxili İşlər Nazirliyində təxminən iki min qadın polis əməkdaşı çalışır və bu rəqəmə daxildir.
Daxili İşlər Nazirliyinin sözçüsü bildirib ki, ehtiyaclara uyğun olaraq nazirlik tərəfindən əlavə polis qüvvələri də cəlb olunacaq.
Kani qeyd edib ki, kişi polislərlə yanaşı, xalqa xidmət etmək üçün qadın polislərə də ehtiyac var və ehtiyaca uyğun olaraq qadın polislərin sayı artırılacaq.
“Hazırda ehtiyaca əsasən təxminən 2 min qadın polis məmuru ictimai asayişin qorunması da daxil olmaqla müxtəlif yerlərdə xidmətlərini davam etdirir və ehtiyac yarandıqca daha çoxunu işə götürüləcək”,- deyə Kani bildirib.
Əfqanıstanda polis qüvvələri şəhər mərkəzlərində təhlükəsizliyin və ictimai asayişin təmin edilməsində əsas rol oynayır.
Əfqanıstan Müdafiə Nazirliyi son açıqlamasında ordu qüvvələrinin sayının 200 minə çatdırılacağını bildirmişdi.
