BAKI, AzerVoice

İsrail rəsmisi "Times of Israel" qəzetinə açıqlamasında Qahirədə aparılan girov mübadiləsi danışıqlarında böyük irəliləyişin baş verdiyini inkar edib.

AzerVoice-un məlumatına görə, rəsmi həmçinin qeyd edib ki, əsas mübahisəli məsələlər, o cümlədən atəşkəsin müddəti və “HƏMAS”ın gələcəyi hələ də həll olunmayıb.

Qeyd edək ki, dünən Misir mənbələrinin bildirdiyinə görə, Qəzza ilə bağlı atəşkəsin əldə olunması məqsədilə Qahirədə keçirilən danışıqlarda əhəmiyyətli irəliləyiş var.

Misirin “Əl Qahirə Əl İxbariyyə” televiziya kanalı daha əvvəl xəbər vermişdi ki, Misir kəşfiyyatının rəhbəri Həsən Rəşad Qahirədə İsrailin Strateji Əlaqələr naziri Ron Dermerin rəhbərlik etdiyi nümayəndə heyəti ilə görüş keçirəcək.

Kanalın məlumatına görə, bu görüş Misir və Qətərin vasitəçiliyi ilə İsrail və HƏMAS arasında Qəzzada atəşkəsin bərpasına yönəlmiş səylər çərçivəsində keçirilir.