BAKI, AzerVoice
ABŞ Prezidenti Donald Tramp Ukraynaya ayrılan vəsaitlərlə bağlı narazılığını ifadə edib və buna görə sabiq prezident Co Baydeni ittiham edib.
AzerVoice xəbər verir ki, bu barədə Trampın verdiyi açıqlamada deyilir.
“Mən bura gələndə soruşdum: ‘Ukraynaya nə qədər pul vermişik?’ Real rəqəm təxminən 350 milyard dollardır – bu, ağlasığmazdır. Amma bizim heç bir təhlükəsizliyimiz yox idi. Bizdə heç nə yox idi. Biz sadəcə ora təminatsız şəkildə pul axıtdıq” – deyə, Tramp bildirib.
“Biz pulu sanki pəncərədən atırmış kimi verdik. Bunu edən Bayden idi. Bu, Baydenin müharibəsidir. Bu, mənim müharibəm deyil. Mən bu vəziyyətdən çıxmağa çalışıram” – deyə, ABŞ prezidenti vurğulayıb.
