BAKI, AzerVoice
Qətər əmiri Şeyx Təmim bin Həməd Al Sani ABŞ prezidenti Donald Trampla İsrailin İrana şiddətli hücumları ilə başlayan gərginliyi müzakirə edib.
AzerVoice xəbər verir ki, görüşdə bölgədəki hadisələr, xüsusilə də İsrailin İrana hücumu müzakirə edilib.
Tramp Qətər əmirinə bölgədə təhlükəsizlik və sabitliyin qorunması üçün İsrail və İran arasındakı böhranın həlli səylərinə töhfə verməyə hazır olduğunu çatdırıb.
Qətər Əmiri Şeyx Təmim də bölgədəki gərginliyin azaldılması və diplomatik həll yollarının əldə edilməsi üçün çalışmağın vacibliyini vurğulayıb.
Qeyd edək ki, İyunun 13-də İsrail İranın müxtəlif şəhərlərindəki nüvə obyektlərini, eləcə də ordunun yüksək komandanlığını hədəf alan irimiqyaslı hücumlara başlayıb.
Hücumlarda İranın Baş Qərargah rəisi, İnqilab Keşikçiləri Korpusunun Baş Komandanı, bəzi yüksək səviyyəli komandirlər və 9 nüvə alimi həyatını itirərkən, mülki itkilərin ümumi sayının 78 olduğu açıqlanıb.
İran ordusunun İsrailə ballistik raketlərlə cavab hücumu nəticəsində azı 63 nəfər yaralanıb.
Başda Türkiyə olmaqla bir çox ölkə İsraili qınayıb.
