BAKI, AzerVoice
Çexiya hökuməti Ukraynaya 75 milyon kron (təxminən 3 milyon avro) məbləğində yardım ayırıb.
AzerVoice xəbər verir ki, bu barədə Çexiyanın CTK informasiya agentliyi məlumat yayıb.
Məlumata görə, ayrılan vəsait əsasən Ukraynanın bir neçə vilayətində minatəmizləmə işlərinin təmin olunmasına sərf ediləcək. Eyni zamanda, bu vəsaitin bir hissəsi ölkənin iqtisadi bərpasına və ukraynalı qaçqınların vətənə qayıtmasına yardım məqsədilə istifadə olunacaq.
Minatəmizləmə işləri xüsusilə Kiyev və Xarkov ətrafında həyata keçiriləcək. Həmçinin, Ukraynanın müxtəlif vilayətlərində əhaliyə minalar və partlamamış sursatların təhlükəsi barədə məlumatlılığı artırmaq məqsədilə maarifləndirici kampaniyalar da təşkil olunacaq.
