BAKI, AzerVoice

ABŞ Prezidenti Donald Trampın administrasiyası, Malayziyaya və Tailanda süni intellekt (Sİ) çiplərinin tədarükünü məhdudlaşdırmağı planlaşdırır.

Bu barədə AzerVoice "Bloomberg" agentliyinə istinadən xəbər verir.

Bildirilib ki, ABŞ Ticarət Nazirliyinin bununla bağlı hazırladığı müvafiq sənəd layihəsi, "Nvidia" şirkətinin inkişaf etmiş süni intellekt prosessorlarının Çinə Malayziya və Tailand vasitəsilə ötürülməsinin qarşısını almağa yönəlib.

Bu məhsulların birbaşa Çinə ixracı artıq de-fakto qadağan edilib.

Rəsmi mənbələr bildirirlər ki, hökumət Malayziya və Tailand üçün ixrac nəzarət tədbirlərini tətbiq etməyi planlaşdırır, bu, süni intellekt çiplərinin ixracına dair qlobal məhdudiyyətlərin – "Sİ Yayılma Qaydasının" (AI Diffusion Rule) rəsmi olaraq ləğv edilməsi ilə paralel olaraq həyata keçiriləcək.