“OpenAI” gözlənilməz süni intellekt davranışları barədə xəbərdarlıq edib
“OpenAI” süni intellekt agentlərinin wiki saytından nəzərdə tutulmayan məqsədlə istifadə etdiyini açıqlayaraq belə hadisələrin daha şəffaf şəkildə bildirilməsinə çağırıb.
Qətərdə Quran üçün süni intellekt əsaslı yeni tətbiq istifadəyə verilib
Qətərin Vəqflər və İslam İşləri Nazirliyi süni intellekt əsaslı “Ağıllı Quran köməkçisi”, əzbərləmə sistemi, təfsir kitabxanası və digər rəqəmsal imkanlarla təchiz edilmiş “Qətər Quranı” tətbiqinin yenilənmiş versiyasını təqdim edib.
ABŞ və Çin sentyabrda süni intellekt təhlükəsizliyi üzrə danışıqlara hazırlaşır
ABŞ və Çin sentyabrın ortalarında süni intellekt təhlükəsizliyi ilə bağlı ilk xüsusi ikitərəfli danışıqları keçirməyə hazırlaşır və əsas diqqət kiberhücum riskləri ilə əməkdaşlıq imkanlarına yönələcək.
Əbu-Dabidə ROX ADAMAS avtomobillərinin istehsalına başlanılıb
Çin avtomobil istehsalçısı ROX Əbu-Dabidə yeni istehsal müəssisəsini istifadəyə verərək ROX ADAMAS avtomobillərinin yerli istehsalına başlayıb.
Anthropic Tramp administrasiyası ilə münasibətlərini yaxşılaşdırıb
ABŞ-nin ticarət naziri Hovard Latnik “Anthropic” şirkətinin Tramp administrasiyası ilə münasibətlərinin yaxşılaşdığını açıqlayıb. Nazir şirkətin yenidən administrasiyanın etimadını qazandığını bildirib. Tərəflər arasında daha əvvəl süni intellektin hərbi məqsədlərlə istifadəsi ilə bağlı ciddi fikir ayrılığı yaranmışdı. “Anthropic” öz süni intellekt sistemlərinin ölkədaxili müşahidə və insan müdaxiləsi olmadan fəaliyyət göstərən silahlarda istifadəsinə qarşı çıxmışdı. Bundan sonra şirkətin bəzi hərbi müqavilələrdə iştirakı məhdudlaşdırılmışdı. “Anthropic” qərara qarşı məhkəməyə müraciət etmişdi. ABŞ hakimi bir neçə gün əvvəl şirkətin xeyrinə qərar verib. Son açıqlamalar şirkətlə Tramp administrasiyası arasında münasibətlərin yumşaldığını göstərir.
Rəqəmsal Əməkdaşlıq Təşkilatına üzvlük Azərbaycana nə vəd edir?
Azərbaycanın Rəqəmsal Əməkdaşlıq Təşkilatına qoşulması ölkənin beynəlxalq rəqəmsal iqtisadiyyatda mövqeyini gücləndirə bilər.
Pakistan Baş naziri ölkənin ŞƏT sədrliyi üzrə prioritetlərini açıqlayıb
Pakistan Şanxay Əməkdaşlıq Təşkilatına (ŞƏT) sədrliyi dövründə informasiya texnologiyaları və süni intellekt, energetika, inkişaf və yoxsulluğun azaldılması, fövqəladə halların idarə olunması, səhiyyə, mədəniyyət və idmana diqqət yetirmək niyyətindədir.
Anthropic-in Claude modeli ilə bağlı yeni müəllif hüquqları mübahisəsi başlayıb
Sony Music və Warner Music Anthropic şirkətinə qarşı məhkəmə iddiası qaldırıb. Şirkətlər Anthropic-in “Claude” süni intellekt modellərini hazırlayarkən müəllif hüquqları ilə qorunan mahnılardan icazəsiz istifadə etdiyini iddia edir. İddiaya görə, yüzlərlə sənətçinin mahnı sözləri və musiqi materialları süni intellekt təlimində istifadə olunub. Sony və Warner Music bu istifadənin müəllif hüquqlarını pozduğunu bildirir. Anthropic isə ittihamları qəbul etmir və süni intellekt təliminin qanuni əsaslara söykəndiyini müdafiə edir. Məhkəmə prosesi texnologiya şirkətləri ilə yaradıcı sənaye arasında artan hüquqi mübahisələrin bir hissəsidir.
Səudiyyə Ərəbistanı süni intellekt sahəsində liderliyə can atır
Səudiyyə Ərəbistanı süni intellekt (AI) dövründə qlobal liderliyə doğru irəliləyir. Bunu ölkənin Kommunikasiya və İnformasiya Texnologiyaları naziri Abdullah Əlsəvaha deyib. Nazirin sözlərinə görə, Səudiyyə Ərəbistanının texnoloji inkişafı artan rəqəmsal iqtisadiyyat, müasir infrastruktur, milli kadr potensialı və innovasiyaları qlobal bazarlarda rəqabət aparan məhsul və şirkətlərə çevirməyə imkan verən investisiya ekosistemi ilə dəstəklənir.
Fransanın “Pasqal” şirkətinin səhmləri ilk gündə 73 faizədək bahalaşıb
Fransanın “Pasqal” şirkətinin səhmləri “Nasdaq” birjasındakı ilk satış günündə 73 faizədək bahalaşıb. Daha sonra artım zəifləyərək təxminən 40 faiz səviyyəsində qalıb. “Pasqal” Avropanın kvant kompüterləri sahəsində aparıcı şirkətlərindən biridir. Şirkət başqa bir şirkətlə birləşmə nəticəsində təxminən 2 milyard dollar dəyərində qiymətləndirilib. Əməliyyatdan sonra “Pasqal” istehsalı genişləndirmək üçün təxminən 360 milyon dollar vəsait əldə edib. Şirkətin birjaya çıxması süni intellekt və qabaqcıl hesablama texnologiyalarına marağın yüksəldiyi dövrə təsadüf edir. ABŞ hökuməti də kvant texnologiyalarının inkişafının sürətləndirilməsinə milyardlarla dollar ayırmağa hazırlaşır. Kvant hesablamalarının böyük imkanlarına baxmayaraq, texniki xətalar bu sistemlərin geniş istifadəsi qarşısında mühüm maneə olaraq qalır.
Nvidia ABŞ-də siyasi fəaliyyət komitəsi yaradır
Nvidia ABŞ-də əməkdaşlarının maliyyələşdirəcəyi siyasi fəaliyyət komitəsi yaratmağa hazırlaşır. Yeni qurumun “NVPAC” adlandırılması nəzərdə tutulur. Komitənin əsas məqsədi şirkətin dövlət siyasəti ilə bağlı maraqlarına uyğun mövqe tutan siyasi namizədlərə maliyyə dəstəyi göstərmək olacaq. ABŞ-də iri şirkətlərin belə komitələr yaratması geniş yayılmış təcrübədir. Nvidia bu addımla ölkədə siyasi qərarlara təsir imkanlarını genişləndirməyə çalışır. Şirkətin süni intellekt və yarımkeçiricilər sahəsində artan əhəmiyyəti onun dövlət siyasəti ilə bağlı məsələlərdə maraqlarını da artırır. Meta və Alfabetə məxsus Qugl kimi digər böyük texnologiya şirkətlərinin də oxşar siyasi fəaliyyət qurumları mövcuddur. Nvidia-nın yeni komitəsinin hansı namizədləri dəstəkləyəcəyi barədə hələlik məlumat açıqlanmayıb.
Anthropic hesablama gücü üçün 45 milyard dollar xərcləyəcək
“Anthropic” süni intellekt üçün əlavə hesablama gücü əldə etmək məqsədilə 45 milyard dollarlıq razılaşmaya gedib. Şirkətin hesablama imkanlarını “Nscale”in Qərbi Virciniyadakı məlumat mərkəzindən icarəyə götürəcəyi bildirilir. Razılaşmanın altı il müddətinə nəzərdə tutulduğu və təxminən 460 meqavat gücü əhatə etdiyi qeyd olunur. Bu addım “Antropik”in süni intellekt məhsullarına tələbatın sürətlə artacağı gözləntiləri ilə əlaqələndirilir. Xüsusilə “Klod Kod” proqramlaşdırma vasitəsinə tələbatın yüksələcəyi gözlənilir. Hesablama sistemində yeni nəsil “Vera Rubin” qurğularından istifadə olunacağı bildirilir. “Nscale” Qərbi Virciniyada iri süni intellekt məlumat mərkəzi qurur. Tərəflər yayılan məlumatla bağlı hələlik açıqlama verməyiblər.
