BAKI, AzerVoice
İsrail Müdafiə Ordusunun (SAXAL) quru qoşun bölmələri Qəzza zolağının şimalında yerləşən Beyt-Hanun şəhərinin mühasirəyə alınması üzrə əməliyyata başlayıb.
AzerVoice xəbər verir ki, bu barədə SAXAL-ın yaydığı bəyanatda deyilir.
"162-ci diviziyanın komandanlığı altında ‘Givati’ briqadasının döyüş qrupu 99-cu diviziyanın qüvvələrinə qoşularaq Qəzzanın şimalında yerləşən Beyt-Hanun şəhərinin mühasirəyə alınması əməliyyatına başlayıb" – deyə, bəyanatda bildirilib.
Həmçinin qeyd olunub ki, qoşunlar bu bölgədə "terrorçuların məhv edilməsi, terror infrastrukturu və HƏMAS-ın hərbi potensialının yox edilməsi məqsədilə" fəaliyyət göstərir.
