BAKI, AzerVoice
Kamçatka yarımadasında, Rusiyanın Petropavlovsk-Kamçatski şəhərindən 162 kilometr məsafədə 5,5 bal gücündə zəlzələ qeydə alınıb. Bu, bölgədə ard-arda baş verən altıncı zəlzələdir.
AzerVoice xəbər verir ki, bu barədə Rusiya Elmlər Akademiyasının Birləşmiş Geofizika Xidməti "Telegram" kanalında məlumat verib.
Qeyd olunub ki, bölgədə afterşoklar (əsas zəlzələdən sonra baş verən təkanlar) davam edir.
Xatırladaq ki, bundan əvvəl bölgədə Sakit okean akvatoriyasında 5,3-dən 7,6 baladək gücə malik bir sıra zəlzələlər baş vermişdi və həmin vaxt sunami təhlükəsi elan olunmuşdu. Lakin daha sonra bu xəbərdarlıq ləğv edilib.
