BAKI, AzerVoice
Qəzza zolağına havadan humanitar yardım göndərilməsi yaxın günlərdə bərpa olunacaq.
AzerVoice xəbər verir ki, bu barədə diplomatik mənbə məlumat yayıb.
Məlumata görə, bu yardımlar Birləşmiş Ərəb Əmirlikləri və İordaniya ilə koordinasiyalı şəkildə həyata keçiriləcək.
Bundan əvvəl, BMT-nin Ümumdünya Ərzaq Proqramı bu gün yaydığı bəyanatda bildirib ki, Qəzza sakinlərinin təxminən üçdə biri günlərlə yeməksiz qalır. Təşkilat xəbərdarlıq edib ki, bölgədə qidalanma pozuntusu kəskin şəkildə artır.
İsrail ordusu isə bu gün yaydığı bəyanatda bildirib ki, İsrail Qəzzaya daxil olan yük maşınlarının sayını məhdudlaşdırmır və beynəlxalq humanitar təşkilatlar və BMT qurumları yardımlar daxil olduqdan sonra onları bölgədə paylamır.
Qeyd edək ki, İsrailin 2023-cü il oktyabrın 7-dən bəri davam edən hücumları, intensiv bombardmanlar və blokada nəticəsində Qəzzada ağır humanitar fəlakət yaşanır. Beynəlxalq ictimaiyyətin və BMT-nin atəşkəs çağırışlarına baxmayaraq, vəziyyət pisləşməkdədir.
