BAKI, AzerVoice
İranın ahıl yaşında olan ali lideri Ayətullah Əli Xamenei ölkəsinin çox ağır bir itki ilə üzləşdiyini etiraf edib.
AzerVoice xəbər verir ki, hərbiçilər və nüvə
elmi sahəsində çalışan iranlı alimlərin ölümündən 40 gün sonra
çıxış edən Xamenei “Onların itkisi elə bir yükdür ki, heç bir xalq
onu daşıya bilməz.”-deyə bildirib.
“İsrail – pozucu bir dəstə olaraq – İran xalqının azğın düşmənidir.
İsrail məqsədinə çata bilmədi.”-deyə o bildirib.
Xameneinin bu çıxışı ilə eyni vaxtda ABŞ və İsrail kəşfiyyat xidmətlərinin qiymətləndirmələri göstərir ki, Tehranın nüvə bombası istehsalı üçün zəruri olan infrastruktur tamamilə məhv edilib. Bu barədə “The Washington Post” qəzeti məlumat yayıb.
İsrailli bir rəsmiyə görə, İranın nüvə proqramı azı bir il müddətinə iflic olub, ehtimala görə bu müddət daha da uzana bilər.
Ayətullah Xamenei ötən ay da bəyan etmişdi ki, Vaşinqton bölgədə heç bir nailiyyət əldə edə bilməyib və İsrailin İranın 12 günlük cavab zərbələri nəticəsində “demək olar ki, çökdüyünü” iddia etmişdi.
Bu açıqlamalar İran-İsrail arasında artan gərginlik fonunda verilir və bir tərəfdən İran rəhbərliyinin daxili sabitliyi qorumaq üçün apardığı ritorikaya xidmət edir, digər tərəfdən isə regionda nüvə və təhlükəsizlik balansının dəyişdiyini göstərir.
