BAKI,AzerVoice, Orxan Qədirzadə
7 Oktyabr 2023-cü ildən bəri İsrailə 1000-dən çox hərbi-nəqliyyat təyyarəsi və 150 gəmi vasitəsilə 120 min tondan artıq hərbi yük, silah və müdafiə avadanlığı çatdırılıb.
AzerVoice xəbər verir ki, məlumatı ölkənin Müdafiə Nazirliyi açıqlayıb. Bildirilir ki, son olaraq İsrailə enən 1000-ci təyyarə böyük həcmdə hərbi təchizat gətirib və təyyarə Müdafiə Nazirliyinin baş direktoru Amir Baram tərəfindən qarşılanıb.
Nazirliyin məlumatına görə, daşınan hərbi yüklər müasir sursat və silah sistemləri, zirehli texnika, fərdi mühafizə vasitələri, rabitə və elektronika sistemləri, tibbi avadanlıqlar kimi yükləri əhatə edi.
Məlumatda avadanlıqların hansı ölkələrdən tədarük edildiyi açıqlanmasa da, əməliyyatda ABŞ və Almaniya missiyalarının iştirak etdiyi qeyd olunub.
Xatırladaq ki, İsrail 2023-cü ilin oktyabrından etibarən Qəzza, Livan, Suriya, İran və Yəmənə qarşı hava əməliyyatlarını genişləndirib.
İki il ərzində aparılan hərbi əməliyyatlar zamanı Qəzzədə infrastrukturun böyük hissəsi dağıdılıb, təxminən 70 min fələstinli mülki əhali həyatını itirib.
