BAKI, AzerVoice,Fərid Mikayılov
Keçmiş Əfqanıstan hökumətində Toxar vilayətinin polis rəisi vəzifəsində çalışmış Əkrəmməddin Səri Tehranda silahlı hücum nəticəsində həyatını itirib.
AzerVoice xəbər verir ki, hadisə Tehranın Vəliəsr prospektində baş verib.
Əkrəmməddin Səri iş yerindən çıxdıqdan sonra naməlum şəxs və ya şəxslər tərəfindən baş nahiyəsindən güllələnib. O, dərhal xəstəxanaya çatdırılsa da, aldığı ağır xəsarətlər səbəbindən vəfat edib.
İran polis orqanları sui-qəsdi təsdiqləyib və hadisə ilə bağlı istintaqın başladığını açıqlayıb. Hazırda hücumun motivləri və icraçıları ilə bağlı araşdırmalar davam etdirilir.
Qeyd edək ki, Əkrəmməddin Səri 2021-ci ildə Əfqanıstanda hakimiyyət dəyişikliyindən sonra ölkəni tərk etmiş keçmiş təhlükəsizlik rəsmilərindən biri idi.
