Tramp NATO-dan imtina etdi: "Artıq onlara ehtiyacımız yoxdur"

ABŞ Prezidenti Donald Tramp NATO müttəfiqlərinin İranla müharibədə Vaşinqton və Tel-Əvivə dəstək verməməsinə kəskin reaksiya verərək, artıq alyansın yardımına ehtiyac duymadıqlarını bəyan edib.Prezident NATO ölkələrinin əməliyyatda iştirakdan imtina etməsini "axmaqca bir səhv" adlandırıb. "Hər il bu ölkələri qorumaq üçün yüz milyardlarla dollar xərcləyirik, lakin ehtiyacımız olanda onlar bizim üçün heç nə etmirlər. NATO həmişə birtərəfli yol olub", - deyə Tramp bildirib. O, həmçinin vurğulayıb ki, ABŞ İran ordusunu və rəhbərliyini zəiflətməkdə böyük uğurlar əldə etdiyi üçün artıq nə NATO-nun, nə də Yaponiya, Avstraliya və ya Cənubi Koreyanın hərbi köməyinə ehtiyacı var.

17 Mart 2026 20:28

BAKI, VOA, Orxan Qədirzadə

VOA xəbər verir ki, Tramp bu barədə öz sosial media hesabında paylaşım edib.

Prezident NATO ölkələrinin əməliyyatda iştirakdan imtina etməsini "axmaqca bir səhv" adlandırıb. "Hər il bu ölkələri qorumaq üçün yüz milyardlarla dollar xərcləyirik, lakin ehtiyacımız olanda onlar bizim üçün heç nə etmirlər. NATO həmişə birtərəfli yol olub", - deyə Tramp bildirib. O, həmçinin vurğulayıb ki, ABŞ İran ordusunu və rəhbərliyini zəiflətməkdə böyük uğurlar əldə etdiyi üçün artıq nə NATO-nun, nə də Yaponiya, Avstraliya və ya Cənubi Koreyanın hərbi köməyinə ehtiyacı var.

Tramp həmçinin Fransa Prezidenti Emmanuel Makronu hədəf alaraq, onun "tezliklə vəzifəsindən ayrılacağını" iddia edib. Xatırladaq ki, 28 fevralda başlayan ABŞ-İsrail və İran müharibəsi nəticəsində İranda Ali lider Əli Xameneinin öldürüldüyü, ölənlərin sayının 1348-i keçdiyi, yaralıların isə 17 mini aşdığı bildirilir. Trampın bu bəyanatı NATO-nun gələcəyini ciddi sual altına qoyan ən sərt çıxışlardan biri kimi qiymətləndirilir.