BAKI,VOA, Fərid Mikayılov
Almaniya kansleri Fridrix Mers İran müharibəsi ilə bağlı ABŞ-ı tənqid etməsinə baxmayaraq, ABŞ prezidenti Donald Tramp ilə şəxsi münasibətlərinin “yaxşı” olaraq qaldığını bildirib.
VOA xəbər verir ki, Merts İranla bağlı müharibənin başlanmasından etibarən strateji nəticələrlə bağlı şübhələrinin olduğunu qeyd edib və bu mövqeyini açıq şəkildə ifadə etdiyini vurğulayıb.
Bildirilib ki, kansler xüsusilə Hörmüz boğazının bağlanmasının Avropa üçün ciddi iqtisadi nəticələr doğurduğunu diqqətə çatdırıb. Onun sözlərinə görə, bu vəziyyət enerji təchizatına və ümumilikdə iqtisadi göstəricilərə birbaşa təsir edir.
Qeyd olunub ki, Merts ABŞ və Almaniya arasında dialoqun davam etdiyini bildirib, lakin Vaşinqtonun münaqişədən çıxış strategiyası ilə bağlı sualların qaldığını da gizlətməyib.
Məlumata əsasən, daha əvvəl Tramp kanslerin açıqlamalarını tənqid edərək onun mövqeyini anlamadığını bildirmişdi.
