BAKI,VOA,Yusif Şərifzadə

Almaniya kansleri Fridrix Merz İran–ABŞ çərçivə razılaşmasına dəstək verəcəklərini bir daha təsdiqləyib.

VOA xəbər verir ki, o bu barədə Fransada keçirilən G7 sammiti çərçivəsində jurnalistlərə açıqlamasında danışıb.

Merz bildirib ki, razılaşmanın dəstəklənməsi Hörmüz boğazında mümkün hərbi missiyanı da əhatə edə bilər.

Fransa və Böyük Britaniya kritik dəniz marşrutunun təhlükəsizliyini təmin etmək üçün beynəlxalq missiya təşəbbüsünə rəhbərlik edir.

Almaniyanın xarici işlər naziri Yohan Vadeful əvvəllər ölkəsinin bu əməliyyatda iştirak etmək niyyətində olduğunu bildirib.

Lakin Almaniya hökuməti hər hansı hərbi missiya üçün parlamentin mandatını almaq məcburiyyətindədir.

Merz qeyd edib ki, hazırda bütün şərtlər tam yerinə yetirilməyib və buna görə də tələskənliyə ehtiyac yoxdur.

O əlavə edib ki, parlament yay tətilinə qədər hələ iki həftəlik iclas keçirəcək və hazırda vaxt təzyiqi yoxdur.