BAKI,VOA,Yusif Şərifzadə
BMT-nin Baş katibi Antonio Quterreş Venesuelada baş vermiş dağıdıcı zəlzələlərdən sonra ölkəyə tam dəstək göstəriləcəyini açıqlayıb.
VOA xəbər verir ki, Antonio Quterreş sosial şəbəkə hesabında paylaşdığı bəyanatda zəlzələlər nəticəsində çoxsaylı insanın həyatını itirməsi və genişmiqyaslı dağıntıların baş verməsindən dərin kədər hissi keçirdiyini bildirib.
Baş katib qeyd edib ki, BMT sistemi humanitar yardımın operativ şəkildə çatdırılması üçün bütün imkanlarını səfərbər edib. Onun sözlərinə görə, BMT Venesuela hökuməti və beynəlxalq tərəfdaşlarla sıx əməkdaşlıq edərək axtarış-xilasetmə və yardım əməliyyatlarına dəstək verir.
Antonio Quterreş həyatını itirənlərin ailələrinə səmimi başsağlığı verib, yaralananlara tezliklə sağalma arzulayıb.
Qeyd edək ki, daha əvvəl Venesuela rəhbərliyi BMT tərəfindən sertifikatlaşdırılmış xüsusi xilasedici qrupların ölkəyə doğru hərəkət etdiyini açıqlamışdı.
