Eyzenkot Netanyahuya qarşı hansı ittihamları irəli sürüb?

İsrail Silahlı Qüvvələrinin sabiq Baş Qərargah rəisi Qadi Eyzenkot Baş nazir Benyamin Netanyahunu İranın nüvə proqramı ilə bağlı həqiqətə uyğun olmayan açıqlamalar verməkdə ittiham edib. Onun sözlərinə görə, İranın nüvə bombasına malik olması barədə deyilənlər reallığı əks etdirmir. Eyzenkot bu açıqlamanı Netanyahunun İranın artıq nüvə silahına sahib olduğunu iddia etməsindən sonra verib. İran isə nüvə silahı hazırladığı barədə iddiaları qəbul etmir. Tehran nüvə proqramının yalnız dinc məqsədlərə xidmət etdiyini bildirir. Mövzu regionda siyasi müzakirələrin əsas istiqamətlərindən biri olaraq qalır. Tərəflər arasında fikir ayrılığı davam edir.

1 İyul 2026 18:20

BAKI,VOA,Yusif Şərifzadə

İsrail Silahlı Qüvvələrinin sabiq Baş Qərargah rəisi Qadi Eyzenkot Baş nazir Benyamin Netanyahunu İranın nüvə proqramı ilə bağlı ictimaiyyəti çaşdırmaqda ittiham edib.

VOA xəbər verir ki, İsrail mətbuatının yaydığı məlumata görə, Qadi Eyzenkot bu fikirləri ölkənin mərkəzində keçirilən konfransda səsləndirib.

O bildirib ki, Benyamin Netanyahunun İranın nüvə imkanları ilə bağlı səsləndirdiyi bəyanatlar həqiqəti əks etdirmir.

Eyzenkotun sözlərinə görə, İranın nüvə bombası olmayıb və bu barədə deyilənlər İsrail cəmiyyətində qorxu yaratmaq məqsədi daşıyır.

Sabiq Baş Qərargah rəisi bu fikirləri Benyamin Netanyahunun İsrailin 14-cü kanalına müsahibəsində İranın artıq nüvə bombasına sahib olduğunu iddia etməsindən sonra səsləndirib.

İran isə uzun illərdir nüvə silahı hazırladığı barədə iddiaları rədd edir və nüvə proqramının yalnız dinc məqsədlər daşıdığını bildirir.