BAKI,VOA,Yusif Şərifzadə

İsrail hökuməti İranın danışıqlar aparan nümayəndələrinə qarşı sui-qəsd planlaşdırıldığı barədə yayılan məlumatları təkzib edib.

VOA xəbər verir ki, İsrail rəsmiləri The New York Times və The Washington Post nəşrlərində yer alan məlumatları "saxta xəbər" adlandıraraq, həmin iddiaların "reallığın tam təhrif olunmuş təqdimatı" olduğunu bildiriblər.

Adlarının açıqlanmasını istəməyən rəsmilər hər iki nəşrə bildiriblər ki, ABŞ rəsmiləri bu ilin əvvəlində İsrailin Vaşinqton ilə Tehran arasında aparılan danışıqlar zamanı İran nümayəndə heyətinin üzvlərinə qarşı sui-qəsd hazırladığını düşünürdülər.

Məlumatlarda iddia olunurdu ki, mümkün hədəflər İranın xarici işlər naziri Abbas Əraqçi və ölkənin baş danışıqçısı, eyni zamanda parlamentin sədri Məhəmməd Baqir Qalibaf olub.

İsrail isə bu iddiaları qətiyyətlə rədd edərək, onların həqiqəti əks etdirmədiyini bildirib.