Bakı, AzerVoice
ABŞ-da demensiya (müxtəlif xəstəliklərə bağlı olaraq beyin
funksiyalarının itkisi nəticəsində, yaddaş, düşüncə, danışma,
qiymətləndirmə və davranışlardakı pozuqluqla seyr xəstəlikdir) ilə
bağlı vəziyyət ciddi narahatlıq doğurur.
AzerVoice xəbər verir ki, yeni
araşdırmaya görə, 2060-cı ilə qədər demensiya hallarının iki dəfə
artacağı proqnozlaşdırılır. Bu, hazırda ildə təxminən 500.000 yeni
hadisənin gələcəkdə 1 milyon yeni hadisəyə çatacağı anlamına
gəlir.
Tədqiqatçılar bildirirlər ki, bu artım əsasən ölkə əhalisinin yaşlanması ilə bağlıdır.
1987-2020-ci illər arasında toplanmış 15.043 yetkin insana dair məlumatların təhlili nəticəsində, 55 yaşdan sonra başlayan demensiya riskinin 42 faiz olduğu müəyyən edilib. Bu, əvvəlki il göstəricilərindən xeyli yüksəkdir. Xüsusilə , 75 yaşdan yuxarı olanlarda demensiya riski daha da artır.
Bu vəziyyət isə yalnız fərdi sağlamlıq məsələsi deyil, həm də iqtisadi bir yükdür. ABŞ-da hər il demensiya ilə əlaqəli səhiyyə xərclərinin təxminən 600 milyard dollar olduğu hesablanır.
