BAKI, AzerVoice

Avropanın 15 istehlakçı hüquqları təşkilatı bir araya gələrək, ucuz aviaşirkətlərin əl yükü üçün tətbiq etdiyi ödənişlərin Avropa İttifaqı qanunlarına zidd olduğunu bildirərək Avropa Komissiyasına və milli tənzimləyici orqanlara rəsmi şikayət təqdim edib.

AzerVoice xəbər verir ki, təşkilatlar iddia edir ki, bu aviaşirkətlər Avropa Ədalət Məhkəməsinin 2014-cü ildə verdiyi qərarını pozur. Həmin qərara görə, ölçü və çəkisi məqbul olan əl baqajlarının daşınması üçün əlavə ödəniş tələb oluna bilməz.

Avropa İstehlakçı Təşkilatının (BEUC) baş direktoru Agustin Reyna bildirib ki, bu yeddi aviaşirkət qanunları istismar edir və Aİ-nin ali məhkəməsinin qərarlarını görməzdən gəlir:

“Bu gün biz, hüquqi şəkildə icazə verilən ölçüdəki əl çantaları üçün qeyri-qanuni ödəniş alan yeddi ucuz aviaşirkətə qarşı birgə hərəkətə keçirik”- deyə o bildirib.

Hesabatda o da vurğulanır ki, bəzi aviaşirkətlər körpə sərnişinlər üçün belə əlavə ödəniş tələb edir.