BAKI, AzerVoice, Nailə Babazadə

Ukrayna Dövlət Prezidenti Volodimir Zelenskiy Rusiyayla müharibənin sona çatdırılması məqsədilə danışıqların intensivləşdirilməsi üçün sabah Türkiyədə görüşlərin keçiriləcəyini açıqlayıb.

AzerVoice xəbər verir ki, Zelenskiy sosial media hesabından paylaşımında, bu gün İspaniyada görüşlərdə iştirak edəcəyini bildirib.

Zelenskiy Rusiya-Ukrayna müharibəsinin sona çatdırılması üçün danışıqların sürətləndirilməsi məqsədilə hazırlıq apardıqlarını vurğulayıb.

"Sabah Türkiyədə görüşlər var. Danışıqları intensivləşdirməyə hazırlaşırıq və müttəfiqlərimizə təqdim edəcəyimiz həll yolları üzərində işləyirik. Müharibənin sonunu bütün qüvvəmizlə yaxınlaşdırmaq Ukraynanın birinci prioritetidir. Eyni zamanda dəyişikliklər və əsir mübadiləsini yenidən başlatmaq üçün çalışırıq."- deyə Zelenskiy qeyd edib.