BAKI, AzerVoice, Nailə Babazadə
İranda hava çirkliliyi və qrip (İnfluenza) epidemiyasının artması səbəbindən ölkənin 18 əyalətində orta və ali təhsil müəssisələrində dərslər distant formada keçirilir.
AzerVoice xəbər verir ki, Tehran, Əlborz, Qum, Qərbi və Şərqi Azərbaycan, Mərkəzi, Qəzvin, Simnan və İsfahan əyalətlərində tələbələr hava çirkliliyi səbəbindən məktəbə gedə bilmir.
Həmədan, Gilan, Yəzd, Kirman, Sistan–Bəlucistan, Cənubi və Şimali Xorasan, Rəzəvi Xorasan və Zəncan əyalətlərində isə dərslər qrip epidemiyası ilə əlaqədar dayandırılıb.
İsveçrənin IQAir hava monitorinq şirkətinin məlumatına əsasən, Təhəran bu gün dünya üzrə hava çirkliliyi reytinqində 225 mikroqram/m³ göstərici ilə Bağdad və Dehlidən sonra üçüncü sırada qərarlaşıb.
Hava keyfiyyəti indeksi PM10 əsasında müəyyən edilir və göstəricilər 0–50 arası “təmiz”, 51–100 “orta”, 101–150 “həssas”, 151–200 “sağlığa zərərli”, 201–300 “pis”, 301–500 isə “təhlükəli” hesab olunur.
