Hava çirkliliyi İranda hər il 50 min insanın ölümünə səbəb olur
İranın səhiyyə naziri Məhəmməd Riza Zəfərkəndi bildirib ki, hava çirkliliyi hər il təxminən 50 min insanın ölümünə səbəb olur. Zəfərkəndi universitet rektorları ilə keçirdiyi görüşdə hava çirkliliyi ilə bağlı açıqlamalar verib. O, səhiyyə sahəsindəki problemlərin böyük ölçüdə iqtisadi və sosial amillərdən qaynaqlandığını vurğulayıb. “Problemlərdən biri də hava çirkliliyidir. Hər il 50 min insanın hava çirkliliyinə bağlı olaraq həyatını itirdiyinə şahid oluruq. Eyni zamanda, xəstəxanalara müraciətlər iki dəfə artıb.” - deyə Zəfərkəndi qeyd edib.
Hindistanda 3 ildə 200 mindən çox tənəffüs yolu infeksiyası qeydə alınıb
Hava çirkliliyi ilə mübarizə aparan Hindistanın Dehli Milli Paytaxt Ərazisində 2022-2024-cü illər arasında altı dövlət xəstəxanasında 200 mindən çox kəskin respirator xəstəlik hadisəsi qeydə alınıb. Səhiyyə və Ailə Rifahı Nazirliyi və Hindistan Tibbi Tədqiqatlar Şurası (ICMR) şəhər yerlərində artan hava çirkliliyi ilə tənəffüs yolları xəstəlikləri arasındakı əlaqəni araşdırıblar. Tədqiqatın nəticələri ilə bağlı Parlamentə verdiyi açıqlamada nazirlik rəsmiləri kəskin respirator infeksiya halları ilə hava çirkliliyi səviyyələri arasında birbaşa əlaqənin aşkarlandığını bildiriblər.
Qrip və çirkli hava səbəbi ilə İran məktəbləri onlayn təhsilə keçib
İranda hava çirkliliyi və qrip (İnfluenza) epidemiyasının artması səbəbindən ölkənin 18 əyalətində orta və ali təhsil müəssisələrində dərslər distant formada keçirilir. Farhikhtegan xəbər saytının məlumatına görə, Təhəran, Elborz, Kum, Qərbi və Şərqi Azərbaycan, Mərkəzi, Kazvin, Simnan və İsfahan əyalətlərində tələbələr hava çirkliliyi səbəbindən məktəbə gedə bilmir. Həmədan, Qilan, Yəzd, Kirman, Sistan-Bəlucistan, Cənubi və Şimali Xorasan, Xorasan-i Rəzəvi və Zəncan əyalətlərində isə dərslər qrip epidemiyası ilə əlaqədar dayandırılıb.
Təhranda hava çirkliliyinin 22 faizi motosikletlərdən qaynaqlanır
İranın paytaxtı Təhranda hava çirkliliyinin 22 faizi motosikletlərdən qaynaqlandığı açıqlanıb. Təhran Bələdiyyəsi Məclisinin sədri Mehdi Çemran bildirib ki, motosikletlərin elektriklə işləyən modellərlə əvəz edilməsi həm çirkliliyi azaltmaq, həm də təhlükəsizliyi artırmaq baxımından effektiv olacaq. İran Daxili İşlər Nazirliyinin məlumatına görə, paytaxtda 4 milyondan çox motosiklet fəaliyyət göstərir, onların 92 faizi köhnə modeldir və bir çoxunun rəsmi qeydiyyatı yoxdur.
Plastik Çirklənmənin İnsan Sağlamlığına Təsiri Araşdırılıb
Plastik çirklənmə insan sağlamlığına ciddi ziyan vurur və qlobal sağlamlıq xərclərinə hər il azı 1,5 trilyon dollara başa gəlir. AzerVoice xəbər verir ki, bu barədə “The Lancet” tibb jurnalında dərc olunan və Boston Kollecinin professoru Filip Landriqanın rəhbərlik etdiyi ekspert hesabatında bildirilir. Jurnalda dərc olunan yeni tədqiqat plastik istehsalının qlobal sağlamlığa təsirini dəyərləndirərək, bu materialın doğuşdan qocalığa qədər insanlara ciddi zərər verdiyini və illik iqtisadi itkinin ən azı 1,5 trilyon dollar təşkil etdiyini ortaya qoyub.
Havanın çirklənməsi beyin qanaması riskini artıra bilər
ABŞ-da aparılan yeni tədqiqat, hava çirklənməsinin beyin qanaması riskini artıra biləcəyini göstərib. Utah Universitetinin alimləri, çirkliliyin yüksək olduğu dövrlərdə beyin anevrizması nəticəsində qanaxma hallarının artdığını müəyyən ediblər.
