BAKI,VOA, Nailə Babazadə
ABŞ Prezidenti Donald Tramp Mayamidə keçirilən "Gələcək İnvestisiya Təşəbbüsü" (FII) sammitində İranla davam edən "müharibə" prosesi və müttəfiqlik münasibətləri barədə sərt açıqlamalar verib. Tramp xüsusilə NATO ölkələrinin ABŞ-yə lazımi dəstəyi vermədiyini bildirib.
VOA xəbər verir ki, başda Səudiyyə Ərəbistanı olmaqla, bir çox Körfəz ölkəsinin yüksək rütbəli rəsmilərinin və investorlarının iştirak etdiyi zalda çıxış edən Tramp, bu ölkələrin İran məsələsində ABŞ-yə böyük dəstək verdiyini vurğulayıb. Bunun əksinə olaraq, NATO müttəfiqlərindən şikayətlənən prezident, böyük krizis anında onların orada olmayacağına zəmanət verdiyini deyib.
ABŞ-ın hər il NATO-nun müdafiə xərcləri üçün yüz milyardlarla dollar töhfə verdiyini xatırladan Tramp, ittifaqın gələcəyini sual altına qoyan bu ifadələri işlədib:
"Hər zaman deyirdim ki, biz NATO-ya kömək edirik, amma onlar bizə əsla kömək etmir. Onlar böyük bir səhv etdilər və yanımızda olmadılar. Əgər onlar bizim yanımızda deyillərsə, biz niyə onların yanında olaq ki? Artıq onların yanında olmağımıza gərək yoxdur, elə deyilmi?"
Trampın bu çıxışı ABŞ-ın NATO daxilindəki strateji öhdəliklərinə yenidən baxacaqına dair ciddi siqnal kimi qiymətləndirilir.
