İsrail mövqelərindən Livanın şimalına doğru 300-ə yaxın atəş açıldığı təsbit edilib - BMT

Birləşmiş Millətlər Təşkilatı (BMT) Livan ilə İsrail arasında davam edən atəşkəs rejiminə baxmayaraq, bölgədə gərginliyin ciddi şəkildə artdığını və İsrail tərəfindən açılan atəş sayının rekord həddə çatdığını bəyan edib. BMT Baş katibinin sözçüsü Stefan Düjarrik UNIFIL hesabatlarına istinadən bildirib ki, cəmi bir gün ərzində İsrail qüvvələrinin operativ nəzarətində olan ərazidən Livanın şimalına doğru 299 atəş açılıb. Bu göstərici atəşkəs razılaşması qüvvəyə mindiyi gündən bəri qeydə alınan ən yüksək rəqəmlərdən biridir.

27 Aprel 2026 22:46

BAKI,VOA, Nailə Babazadə

VOA xəbər verir ki,BMT Baş katibinin sözçüsü Stefan Düjarrik UNIFIL hesabatlarına istinadən bildirib ki, cəmi bir gün ərzində İsrail qüvvələrinin operativ nəzarətində olan ərazidən Livanın şimalına doğru 299 atəş açılıb. Bu göstərici atəşkəs razılaşması qüvvəyə mindiyi gündən bəri qeydə alınan ən yüksək rəqəmlərdən biridir.

Hesabatda diqqət çəkən ən mühüm məqamlardan biri odur ki, İsrail tərəfindən açılan bu intensiv atəşlərə qarşı Livanın şimalından cənuba doğru hər hansı raket atışı və ya cavab atəşi təsbit edilməyib. BMT-nin Livan üzrə xüsusi koordinatoru Janin Hennis-Plasschaert hazırda tərəflər arasında "zorakılıq dövrünə" son qoymaq və qarşılıqlı etimadı bərpa etmək üçün diplomatik səylərini davam etdirir.

Xatırladaq ki, ABŞ Prezidenti Donald Trampın vasitəçiliyi ilə 17 apreldə başlayan və 10 günlük nəzərdə tutulan müvəqqəti atəşkəsin müddəti daha 3 həftə uzadılıb. Buna baxmayaraq, mart ayından bəri davam edən hücumlar nəticəsində Livanda 1 milyondan çox insan evlərini tərk etmək məcburiyyətində qalıb və sərhəd bölgəsindəki sabitlik hələ də kövrək olaraq qalır.