BAKI,VOA, Fərid Mikayılov
Beynəlxalq Atom Enerjisi Agentliyinin (BAEA) direktoru Rafael Qrossi İranla ABŞ arasında müzakirələr aparılan yeni nüvə sazişinin əvvəlki razılaşmadan fərqli olacağını bildirib.
VOA xəbər verir ki, Qrossi qeyd edib ki, İran əvvəlki Nüvə Razılaşması (JCPOA) imzalanandan bəri texnologiya və imkanlarını əhəmiyyətli dərəcədə inkişaf etdirib.
“Çox vacib olan odur ki, bu, müharibədən sonrakı bir sazişdir. 2015-ci ildə imzalanmış JCPOA həmin dövr üçün aktual idi. İndi isə fərqli bir sazişə ehtiyac var”- deyə Qrossi qeyd edib.
O əlavə edib ki, yeni razılaşma əvvəlki modelə bənzəməyəcək və müzakirələr nəticəsində müharibədən sonra formalaşan yeni tələblərə uyğun olmalıdır.
