BAKI,VOA,Yusif Şərifzadə
Birləşmiş Millətlər Təşkilatının Komitəsi Fələstin ərazilərində uşaqların getdikcə daha çox risklə üzləşdiyini bildirib.
VOA xəbər verir ki, Komitə bu barədə açıqlamasında Qəzza və işğal altındakı İordan çayının qərb sahilində insan hüquqları təşkilatlarının fəaliyyətinin məhdudlaşdırılmasının vəziyyəti daha da ağırlaşdırdığını qeyd edib.
BMT Komitəsi bildirib ki, bu təşkilatların fəaliyyəti hərbi reydlər, səfər qadağaları, sanksiyalar və həbslə hədələnmə kimi vasitələrlə məhdudlaşdırılır.
Açıqlamada vurğulanıb ki, humanitar və hüquqi təşkilatların işinin dayandırılması və ya zəiflədilməsi fələstinli uşaqların müdafiəsiz qalmasına səbəb ola bilər.
Komitənin fikrincə, bu vəziyyət insan hüquqları pozuntularının cəzasız qalması riskini artırır.
